PAJICZNIK

Pòrénk słuńce z plëtë wëniósł,
Ë swiãtno je wëstawił
Jaż na kùńcu bùlewisków
Czéj hòstijô w zadôczny wsë.

A òd strzébrzny ti kòrónë
Kòrunczi różewëch jiskrów
Zwiésôł pajiczëną pò òstach,
Bez stegnã, co më nią szlë.

I tak më szlë, a szlë
                   przed ten wôłtôrz
                   z hôczkama
                   z czipkama
                   z miechama
                   z gòdzynkama
                   za bùlwama.
I tak më jidzemë,
                   a jidzemë,
                   a jidzemë...

Dërch, a dërch.

zaczątk